Хитой полицияси Япониянинг Uniqlo кийим-кечак дўконининг Пекиндаги филиали ечиниш хонасида содир бўлган жинсий алоқа саҳнаси қайд қилинган видеони тарқатишда гумон қилинаётган тўрт кишини қўлга олди. Бу ҳақда Синьхуа агентлиги хабар бермоқда.

Полиция маълумотларига қараганда, вирусли видеода иштирок этган жуфтлик уни ўз дўстига юборган, аммо кадрлар номаълум сабабларга кўра интернетнинг хитой сегментида кенг тарқалиб кетди.

Хитойнинг машҳур ижтимоий тармоғи – Weibo’да видеороликни жойлаштирган 19 ёшли йигит, шунингдек, видеони тарқатган яна уч киши сўроқ қилинмоқда.
Айтилишича, Хитойда бундай мазмундаги материалларни тарқатиш икки йилга озодликдан маҳрум қилиш билан жазоланади. Бу ишни тижорий мақсадда амалга оширганлар эса умрбодга қамалиши мумкин.