Гонгконг-Владивосток рейси бўйича парвозни амалга ошираётган самолётда келиб чиққан тўполон натижасида иккита маъмурий иш очилди.
Ёшроқ йигит маст ҳолда жанжал уюштирган, бир нечта йўловчи уни тинчлантиришга ҳаракат қилган. Воқеа қайд қилинган видеолавҳа интернетга жойлаштирилди.


“Муштлашув содир бўлгани ҳақида маълумот йўқ. Аммо эркак маст бўлгани маълум. Йўловчи аёллардан бири унинг хатти-ҳаракатлари устидан арз қилган. Транспорт полицияси ходимлари иккита модда бўйича баённома тузишган”, – деди РИА Новости мухбирига Владивосток ИИБ матбуот бўлими вакили Арина Перепёлица.
Айтилишича, жанжалкаш йўловчи 15 кунга қамалиши мумкин.