Хитойнинг смартфонлар ва телекоммуникацион ускуналар чиқарувчи Huawei компанияси эълон қилган ҳисоботда 2015 йилнинг биринчи ярмида тушумнинг ўсганлиги маълум қилинди.

2014 йилнинг шу даврига нисбатан компания ўз даромадини 30 фоизга ўстириб, 28 млрд долларга етказди. Соф фойда ўша давр билан қиёслаганда 18 фоизга кўпайди. Бу кўрсаткич ўтган йилги билан деярли бир хил бўлди.

Компания молиявий директори Мэн Ваньчжоу Huawei барча бозорларда барқарор ўсиш намоён қилаётганини таъкидлади.