15 июль куни Вазирлар Маҳкамаси “Олмалиқ шаҳри ичимлик суви таъминоти тизимига замонавий энергия тежовчи технологиялар тизимини жорий қилиш тўғрисида”ги қарорни қабул қилди.
Ҳужжат Олмалиқ шаҳри аҳолисининг турмуш даражасини яхшилаш, ичимлик суви билан таъминланганлик даражасини ошириш, кўрсатилаётган коммунал хизматлар таннархини тушириш, энергия тежовчи технологияларни тизимга жорий қилиб бориш, табиий ва молиявий ресурслардан самарали фойдаланишга қаратилган.
Модернизация жараёнида замонавий жиҳозлар Даниянинг Grundfos компанияси томонидан тендер савдолари ўтказилмаган ҳолда етказиб берилади.