2015 йилнинг иккинчи чораги якунларига кўра давлат органлари ва компаниялар фаолиятига ахборот-коммуникацион технологияларни жорий қилиш бўйича олиб борилган мониторинг ишлари бўйича ушбу кўрсаткич бўйича ташкилотлар рейтинги тузилди. Бу ҳақда “Электрон ҳукумат” портали орқали ахборот берилди.

Мониторинг 115 ташкилотни қамраб олди, улардан 56таси давлат органлари, 45таси хўжалик бошқаруви органлари, 14таси жойлардаги давлат ҳокимияти органларидир. Баҳолаш ишлар ташкилотларнинг расмий сайтларини, шунингдек, улар томонидан NIS.UZ идоралараро тизимга тақдим этилган маълумотлар асосида олиб борилди.
Маълум бўлишича, ҳисобот даврида давлат органларининг ўртача рейтинги 59.23 баллдан 68.29 баллгача ўсди, яъни ўсиш 15.30 фоизни ташкил қилди.

Энг юқори натижани давлат солиқ қўмитаси кўрсатди (100дан 95.04 балл). Илгари биринчи ўрин Ўзбекистон марказий банкига тегишли эди. Аммо жорий рейтингда у иккинчи ўринга муносиб кўрилди.
Шунингдек, кучли бешликка “Дори-дармон” акциядорлик жамияти, “Ўзвинпром-холдинг” ва “Ўзавтосаноат” компаниялари кирди.
Энг паст кўрсаткич “Қурилиш-лизинг” компаниясида қайд қилинди (14.41 балл).
Ахборот-коммуникацион технологиялар жорий қилиниши қониқарли деб топилмаган ташкилотларга фаол ёрдам кўрсатилмоқда.