Ўзбекистон махсус олимпиада терма жамоаси 2015 йилнинг 21 июль-2 август кунлари АҚШнинг Лос-Анжелес шаҳрида бўлиб ўтадиган Бутунжаҳон махсус олимпиадасида иштирок этади. Бу ҳақда gazeta.uz нашри хабар берган.

МОТЖнинг 20 нафар аъзоси спортнинг енгил атлетика, сув спорти, бадиий ва спорт гимнастикаси, стол теннис ҳамда бадминтон турларида иштирок этишади.

Махсус олимпиада ўйинлари бутунжаҳон спорт ҳаракати бўлиб, имкониятлари чекланган инсонларнинг йил давомида спорт билан мунтазам шуғулланиб боришларини таъминлаш мақсадида ташкил қилиб келинади. Шунингдек бу тадбир реабилитацияга муҳтож инсонларнинг ижтимоий қўллаб-қувватлаш дастури асосида бўлиб ўтади.

Ўзбекистон терма жамоаси аъзолари мазкур мусобақага 24 июндан 8 июлгача Тошкент вилоятидаги Дукент (Янгиобод) базасида тайёргарлик олиб боришди.