Қозоғистон миллий иқтисодиёт вазирлиги истеъмолчилар ҳуқуқларини ҳимоя қилиш қўмитаси Россия ва Украинада фаолият юритадиган бир қатор корхоналар етказадиган паррандачилик маҳсулотларини вақтинчалик тақиқлади. Бу ҳақда вазирлик матбуот хизмати ахборот берди.
“Қарор санитария-эпидемиология экспертизаси натижасида қабул қилинди. Текширув давомида патоген микрофлора (Salmonella) аниқланди”, – дейилади хабарномада.
Тақиқ рўйхатига "Благояр", "Мясоптицекомбинат "Благодарненский" ОАЖ (Россия, Ставрополье ўлкаси, Благодарний шаҳри); "Мироновская птицефабрика" ХАЖ (Украина, Черкасская вилояти, Каневский тумани, Степанци қишлоғи); "Нагайбакский птицеводческий комплекс" МЧЖ (Россия, Челябинск вилояти, Нағайбак тумани); "Юбилейное" МЧЖ (Россия, Чамзинский тумани, поселок Чамзинка) сингари корхоналар кирди.