Сирдарё вилоятининг Янгиер шаҳрида яшовчи Қурбоновлар оиласида фожиа содир бўлди. Бу ҳақда “Постда” нашри ёзмоқда.

Айтилишича, Ботир исмли йигит чет элга ишлашга кетиб, 10 йилда қайтиб келди, аммо у ердан пул топиб кела олмади. У Янгиерда ҳам бирор иш топа олмади. Натижада гоҳ отаси Йўлчибой ака, гоҳ ўгай онаси Шоиста опадан пул олиб, ичиб юраверди.

Бир куни у маст ҳолда уйга келиб, хаста бўлиб ётган отасидан пул талаб қила бошлади. Отаси пули йўқлигини айтди, шундан сўнг ўғлининг бу юришига ўз норозилигини билдирди. Натижада ота ва ўғилнинг гапи қочиб қолди. Ботир Йўлчивой акани бўға бошлади.
Жанжални эшитган Шоиста опа хонага кириб, Ботирни тўхтатди. Лекин Йўлчивой аканинг жони узилиб бўлган эди.