Японияга нисбатан Шимолий Кореянинг ядровий ракеталари ҳаракати таҳдиди кун сайин кучайиб бормоқда. Бу ҳақда мудофаа вазирлигининг 21 июль куни эълон қилинган “Оқ китоб” номли ҳисоботида айтилди.
“Ҳарбий фаоллик ва КХДРнинг ракета-ядровий дастурининг ривожланиши Япония хавфсизлигига тўғридан-тўғри хавф солмоқда”, – таъкидланади ҳисоботда.
“Хитой” бўлимида ҳужжат муаллифлари “Шимолий ва Жанубий Хитой денгизларидаги статус-квони куч ёрдамида ўзгартириш”га бўлган ҳаракатлар юзасидан хавотир билдирилган.
Шунингдек, охирги 27 йил ичида ХХРнинг ҳарбий харажатлари 41 баробарга ўсгани таъкидлаб ўтилди. Шу билан бирга, икки давлат ўртасидаги муносабатларда ижобий ўзгаришлар ҳам кузатиб борилмоқда.
Россияга келганда эса, ҳисобот муаллифлари унинг Украина инқирозига тўғридан-тўғри алоқадорликда ҳамда “ўз қуролли кучлари таъсир доирасини кенгайтириб, АҚШ ва Европа билан қарама-қаршиликка киришаётган”ликда айблади.