Голливуд фильмларидаги қаҳрамонларнинг нусхасини 3D-принтер ёрдамида яратиш мумкинлиги расмий сувенир маҳсулотларининг нархига акс таъсир кўрсатиши ҳамда киностудия даромадини камайтириши мумкин. Бу ҳақда WSJ хабар бермоқда.

Бундай хавотирга картина қаҳрамонларининг 3D-нашр ёрдамида яратишдан ташқари, нашр учун тайёр бўлган файлларни интернетга жойланаётгани сабаб бўлмоқда.

Булар Голливуд даромадининг сезиларли даражада қисқаришига олиб келади. Чунки сувенир маҳсулотлар сотувидан тушадиган маблағ ҳам киностудиялар даромадининг катта қисмини ташкил этади.

Мисол учун, 2015 йилнинг иккинчи чорагида Disney студиясининг сувенир маҳсулотлардан топган даромади 971 млн долларни ташкил этган.