«Челси» клубининг 50 ёшли мухлиси Ричард Баркли яқин беш йил ичида футбол учрашувларига ташриф буюриши тақиқлаб қўйилди.

Лондон округи суди Париж метросида мухлисларга нисбатан ирқчилик муносабатида бўлгани учун шундай қарорга келган, деб ёзмоқда Sky Sports.

Суд Барклини жорий йилнинг февраль ойида ЕЧЛ доирасидаги 1/8 финал дастлабки учрашувида «Пари Сен-Жермен» ва «Челси» (1:1) учрашувидан кейин англиялик бир қатор мухлисларнинг Париж метросида қора танли мухлисни вагонга чиқармаганида айбдор деб топди.

Баркли олдин полицияда хизмат қилган ва «Инсон ҳуқуқлари учун курашувчи халқаро форуми» хайрия ташкилотининг директори сифатида ишлаб келганди.