22 июль куни АҚШ ва Австралия давлатлари мезбонлигида ўтаётган клублар ўртасидаги International Champions Cup-2015 ўртоқлик турнири доирасидаги навбатдаги учрашувда Англиянинг «Манчестер Юнайтед» клуби АҚШнинг «Сан Хосе» жамоасини 3:1 ҳисобида мағлубиятга учратди.

Ушбу ўйинда "МЮ" жамоасининг янги аъзоларидан бири Мемфис Депай гол уриб, ўз голлари ҳисобини очди.

Эслатиб ўтамиз, шу турнир доирасида 21 июль куни учрашган "Манчестер Сити" ва "Рома" учрашувида ҳам "шаҳарликлар"нинг янги аъзоси Раҳим Стерлинг ўзининг илк голига муаллифлик қилганди.

САН-ХОСЕ ЭРТКУЭЙКС (АҚШ) – МАНЧЕСТЕР ЮНАЙТЕД (АНГЛИЯ) – 1:3 (1:2)
Голлар: 0:1 – Мата, 32, 0:2 – Депай, 37, 1:2 – Алаш, 42, 1:3 – Перейра, 61.