Миср суди Ҳусни Муборак ҳокимияти пайтида мамлакатнинг бош вазири лавозимини эгаллаган Аҳмад Назиф бўйича ишни қайтара кўриб чиқиш давомида уни 5 йилга озодликдан маҳрум этди, деб хабар бермоқда Reuters ахборот агентлиги.

Аввалроқ Назиф 3 йилга озодликдан маҳрум этилган эди ва у бу ишнинг қайта кўриб чиқилишини сўраб судга апелляция берган эди.

Бундан аввал Миср суди ишнинг қайта кўрилиши давомида Мисрнинг собиқ президенти Ҳусни Муборак ва унинг икки ўғлини коррпуция бўйича 3 йилга озодликдан маҳрум этган эди.

Бунда гап саройлар иши ҳақида кетмоқда. Тергов версиясига кўра, Муборак ва унинг икки ўғли президент саройларининг таъмирланишига ажратилган 125 млн миср фунтини (18 млн доллар атрофида) ўзлаштириб олганлар.