Туркияда 21 июль куни мамлакатнинг Шонлиурф вилояти Суруч уездида содир этилган терактда ҳалок бўлган 32 кишидан 5 нафарининг дафн маросими бўлиб ўтди. Маҳаллий телевидениенинг маълум қилишича, ушбу 5 нафар қурбоннинг жасадлари суд-тиббиёт экспертизасидан кейин уларнинг яқинларига топширилган ва қурбонлар қаердан бўлсалар, ўша жойга етказилганлар.

Қолган қурбонларнинг жасадлари ҳам қонун бўйича зарур бўлган тартиботлардан кейин ўз яқинларига топширилади. Дафн маросимлари катта сондаги маҳаллий фуқаролар иштирокида бўлиб ўтди, улар террорчиликка қарши норозилик юриши ўтказдилар.

Террорчиликка қарши норозилик намойишлари мамлакатнинг бошқа йирик шаҳарларида ҳам бўлиб ўтди. Мамлакатнинг бир қатор вилоятларида яқин кунларга режалаштирилган барча кўнгилочар тадбирлар бекор қилинди.