Халқаро соғлиқни сақлаш ташкилоти раҳбари Маргарет Чан Ашхободда бўлиб ўтган “Эришилган ютуқларни мустаҳкамлаш соғлом келажак асосидир” мавзуидаги халқаро конференция чоғида Туркманистонда тамаки маҳсулотларининг истеъмол қилинишини чеклаш борасида эришилган ютуқларни эътироф этди.
“Ташкилотнинг яқиндаги кузатув ва таҳлил ишлари шуни кўрсатдики, мамлакат аҳолисининг фақат 8 фоизи тамаки чекади, бу бутун дунёдаги энг паст кўрсаткичдир”, – деди ташкилот бош директори.
Чан хоним Туркманистон президенти Гурбангули Бердимуҳамедовга тамакига қарши курашда эришилган ютуқлар муносабати билан фахрий белги топширди.
Туркманистон 2011 йили Халқаро соғлиқни сақлаш ташкилотининг тамакига қарши кураш конвенциясига қўшилган эди.