Америкалик ёзувчи Эдгар Лоуренс Доктороу 84 ёшида вафот этди. Бу ҳақда унинг ўғлига асосланган ҳолда The New York Times нашри хабар берган.

Хабарда айтилишича, "Рэгтайм", "Марш" ва "Билли Батгейт" каби романлар муаллифи Нью-Йорк шаҳрида саратон хасталиги туфайли оламдан ўтди.

У Россиядан АҚШга кўчиб борган яҳудийлар оиласида туғилган бўлиб, Огайодаги коллежни тамомлагач, ўтган асрнинг 50-йиллари охиридан Columbia Pictures киностудиясида сценарийнавист бўлиб ишлаган. Бироз ўтиб, New American Library ва Dial Press нашрларида бош муҳаррир лавозимларида фаолият кўрсатган. Доктороу 1969 йилдан катта адабииётга кириб келган, АҚШдаги кўплаб университетларда маърузлар ўқишни бошлаган. У 1984 йилда Америка академияси ва Миллий санъат институтлари аъзосига айланган.

Доктороу жами 11 роман ёзиб қолдирди. Унинг "Билли Батгейт", "Рэгтайм" ва "Марш" романлари миллий мукофотларга сазовор бўлган, Loon Lake романи эса National Book Award мукофотига лойиқ кўрилган.