2015 йилнинг январь-июнь ойлари бўйича қилинган ҳисоботга кўра, Ўзбекистоннинг экспорт ҳажми 6,359 млрд долларни ташкил этган ва ўтган йилдагига нисбатан 13,5 фоизга камайган.

Ўзбекистон Давлат статистика қўмитаси маълумотларига кўра, бу борадаги ўтган йилги кўрсаткич 7,22 млрд долларга тенг бўлган эди.

Ўз навбатида, жорий йилнинг биринчи ярмида Ўзбекистоннинг импорт ҳажми 6,275 долларни ташкил этган ҳолда ўтган йилнинг шу даври кўрсаткичларига (2014 йилнинг январь-июнь ойларида 6,74 млрд доллар) нисбатан 7,4 фоизлик тушиш қайд этилди.

Шу тариқа, биринчи ярим йилликда мамлакатнинг ташқи савдо айланмаси 12,635 долларга тенг бўлди ва ўтган йилдаги 13,96 млрд долларга нисбатан 9,3 фоизлик пасайиш қайд этилди.

Таъкидлаш жоизки, бу маълумотлар Ўзбекистон Давлат статистика қўмитаси матбуот хизматининг 2014 ва 2015 йилнинг биринчи ярим йилликлари бўйича ҳисобот хабарларидан олинди.