Бир йилда Россияда чет элликлар сони 1 млн га камайди. Бу ҳақда федерал миграция хизмати раҳбари Константин Ромодановский матбуот анжумани чоғида маълум қилди.

Унинг сўзларига қараганда, бундай “натижа”га хизмат миграцион қонунчиликни такомиллаштириш ва муҳожирлик оқимларини тартибга келтириш орқали эришди.

Йил бошидан мамлакатга 10.6 млн чет эллик кириб келди (ўтган йилнинг шу даврида – 11.2 млн), 9.4 млн киши чиқиб кетди (ўтган йил кўрсаткичлари – 8.8 млн).

Муҳожирларнинг асосий қисмини Ўзбекистон (2.2 млн киши), Украина (1.6 млн киши, қочқинлардан ташқари), Тожикистон (1 млн киши) фуқаролари ташкил қилади.