Америкалик машҳур актёр Леонардо Ди Каприо ёввойи табиатни муҳофаза қилиш жамғармаси учун 40 млн евродан ортиқ хайрия маблағи йиғишга эришди. Унинг раҳбарлигидаги хайрия ташкилоти матбуот хизматининг маълум қилишича, бу маблағлар 22 июль куни Франциянинг Сен-Тропе шаҳрида ўтказилган хайрия кечасида тўпланган.

Ушбу кечада машҳур рассом Энди Уорхол ва британиялик ҳаваскор рассом Бэнксининг қаламига мансуб қимматбаҳо асарлар ким ошди савдосига қўйилган. Шунингдек, Ди Каприо ўзининг Белиз яқинидаги Блэкдор Кей оролидаги мулкини америкалик тадбиркор Том Барракга пуллаган.

Қолаверса, у бир қатор кинофестивалларда иштирок этиш ҳуқуқини берувчи ҳужжатларни 1 млн евро эвазига сотган.
Ушбу хайрия кечасида Монако князи Албер Иккинчи, франциялик машҳур актриса Марион Котийяр ҳамда америкалик актриса Кейт Хадсон ҳам иштирок этган.