Shvetsiyalik dizayner Oskar Pernefeld Yer sayyorasining yagona bayrog‘ini o‘ylab topdi.
Muallifning fikriga ko‘ra, ushbu bayroq sayyoralararo tadqiqotlar vaqtida yer aholisini tanishtiruvchi belgi vazifasini o‘taydi.
Yerliklarning ramzi – ko‘k fon hamda uning o‘rtasida joylashgan guldan iborat. Ko‘k rang okean timsoli bo‘lib, u hayot manbai bo‘lgan suv zaxirasining katta ekanini anglatadi. Gul 7 dona tutashgan aylanalardan iborat bo‘lib, u Yer qismlarini anglatadi.
Oskar Pernefeld aylanalarning tutashganini Yer aholisining uyi bir ekani, u sayyoraning qaysi qismida yashashi muhim emasligi va Yer yuzidagi barcha narsa bir-biriga chambarchas bog‘liq ekani bilan izohladi. Muallif barchani o‘zgalarga befarq bo‘lmaslikka hamda ular haqida qayg‘urishga chaqirdi.