Pearson компанияси Британиянинг Financial Times газетасини Япониянинг Nikkei медиахолдингига 1,32 млрд долларга сотишга келишиб олди, деб хабар бермоқда The Wall Street Journal нашри.

Pearson’да Британиянинг етакчи нашрини сотиш учун идеал пайт келган деб ҳисоблашмоқда. Компания яқинда таълим билан боғлиқ адабиётларни сотиш бўйича етакчига айланди ва ўзининг ривожланиш стратегиясини айнан шу фаолият турига қаратмоқчи.

Аввалроқ Pearson компанияси Financial Times нашрини сотиш бўйича Германиянинг Axel Springer ва Япониянинг Nikkei медиахолдинглари билан музокаралар олиб бораётгани маълум қилинганди, шу билан бирга немис компанияси келишувга эришишга яқинроқ тургани таъкиланаётган эди.