Сел келиши оқибатида Олма-Отанинг 3та туманида уйлар сув остида қолди. Бу ҳақда шаҳар ҳокимининг ўринбосари Юрий Ильин маълум қилди.

“Сел оқимининг келиши натижасида 3та туман ҳудудидаги уйлар сув остида қолди. Энг кўп зарар Наврўзбой туманига етди. Ауэзовский ҳамда Алатауский туманларига қисман зарар етди. Алатауский  туманидаги Алгабас қишлоғида 97 та уй сув остида қолди. Улар яшаш учун хавф туғдирмайди. Вазиятни назорат остига олганмиз.

Зарар кўрган оилалар энг кам иш ҳақининг 100 баробари миқдоридаги ёрдам пули олади”, – деди Ильин пайшанба кунги брифинг вақтида.

Шунингдек, Ильин ушбу ҳудудларда тиббий ёрдамнинг чақирилиши сел оқибатида олинган жароҳатлар сабабли эмаслигини таъкидлади.