22 июль куни Тошкентдаги “Жар” стадионида Ўзбекистон миллий терма жамоаси ҳамда Ўзбекистон олимпия терма жамоалари ўртасида назорат учрашуви бўлиб ўтди.

Хабар берганимиздек, миллий терма жамоа мураббийлар штаби янгиланганидан сўнг ўзининг илк йиғинини ўтказмоқда. Ушбу йиғин давомида айни вақтда Жалилов бошқариб бораётган ва ўзининг июльдаги иккинчи йиғинини ўтказаётган Ўзбекистон олимпия терма жамоасига қарши иккита ўртоқлик учрашуви ўтказиш режалаштирилган эди. Ушбу учрашувларнинг дастлабкисида ғолиб аниқланмади.

Фақатгина Олий Лигада тўп сураётган футболчилар жалб этилган ушбу йиғин доирасидаги дастлабки ўйинда ҳисобни айнан Самвел Бабаян шогирдалри очган эди. Иккинчи тайм аввалида олимпия терма жамоаси ҳимоячилари қўпол ўйнаганлиги боис, Аброр Каримов қўриқлаётган дарвоза томон 11 метрлик жарима белгиланди. Уни Сергеев аниқ амалга ошириб, ҳисобда миллий терма жамоани олдинга олиб чиқди.

Бироқ мамлакатнинг асосий жамоаси ушбу ғалабани ушлаб қола олмади. Учрашувнинг 75-дақиқасида Максимилиан Фомин Элдорбек Суюнов қўриқлаётган дарвозани ишғол қилиб, ҳисобдаги мувозанатни тиклади. Ушбу ҳисоб ўйин якунига қадар ўзгармади.

Жамоалар ўртасидаги иккинчи учрашув 25 июль куни, "Пахтакор" стадионида бўлиб ўтади.

Ўртоқлик учрашуви.

22.07.2015. “Жар” стадиони, Тошкент.

Ўзбекистон МТЖ – Ўзбекистон ОТЖ 1:1

Голлар: И. Сергеев (45) — М. Фомин (75)

Ўзбекистон МТЖ: 12. А. Лобанов, 18. А. Мерзляков, 7. В. Козак, 14. А. Исматуллаев, 13. Д. Хошимов, 22. Ж. Хасанов, 17. Ж. Соҳибов, 20. И. Тўхтахўжаев, 8. Ш. Каримов, 9. Т. Абдухолиқов, 11. И. Сергеев

Захира: 1. Э. Суюнов, 23. Ф. Сайфиев, 5. О. Ҳамробеков, 15. С. Андреев, 16. И. Шомуродов, 25. Ш. Гадоев, 19. Э. Суюнов, 20. Б. Ваҳобов, 21. А. Тўраев

Ўзбекистон ОТЖ: 1. А. Абдумавлонов, 17. М. Фомин, 14. Ж. Мирабдуллаев, 2. А. Комилов, 3. С. Раҳмонов, 9. О. Шукуров, 7. Ж. Абдумўминов, 23. Д. Туропов, 6. А. Махсталиев, 29. Ш. Достонов, 11. Жасур Ҳакимов

Захира: 20. М. Убайдуллаев, 5. Д. Турсунов, 18. С. Собирхўжаев, 16. М. Ражабов, 13. Д. Исмоилов, 4. М. Музаффаров, 22. Қ. Рўзиев, 10. С. Рекун, 19. З. Ўринбоев, 8. М. Бобожонов

Манба: the-uff.com