Ўзбекистонлик ёш шахматчи Жаҳонгир Воҳидов жаҳон чемпиони бўлишни истайди

Спорт 23 Июль 2015 1640

"Самаркандский вестник" нашри ходими ўзбекистонлик ёш шахматчи Жаҳонгир Воҳидов билан суҳбат уюштирди.

Самарқанд шаҳрида шахматчилар оиласида туғилган Жаҳонгир Воҳидов саволларга жавоб бериш давомида шахмат бўйича жаҳон чемпиони бўлишни ният қилгани ҳақида айтиб берган.

"Шахмат ақл ва тафаккурни чархлайди", дейди Марказий Осиёда энг ёш халқаро гройсмейстер бўлган Жаҳонгир Воҳидов.

У ўзида шахматга бўлган муҳаббат отаси Тоҳир Воҳидов ва бобоси Абдувоҳид ота томонидан уйғотилгани, улар мағлубиятдан хафа бўлмаслик, ҳеч қачон таслим бўлмаслик ва қайтадан ғалабалар сари интилишга ўргатишгани ҳақида айтади.

Айни вақтда Жаҳонгир Воҳидов Самарқанд давлат университетининг аълочи талабаларидан бири ҳисобланади. У 19 ёшида, 2011 йилда Малайзиядаги халқаро турнирда иккинчи ўринни қўлга киритганди.

"Омад бирданига келмайди. Бунинг учун тинимсиз равишда машғулот ўтказиш ва ўз устингда ишлашинг керак бўлади", дея таъкидлайди шахматчи.

Жаҳонгир Воҳидов Жерси оролида ўтказиладиган The Polar Capita шахмат фестивалининг энг номдор шахматчиси ҳисобланади. У бир неча йиллардан буён ўз тоифасида кўплаб ютуқларга эришган. Айни вақтда Жаҳонгир Воҳидов август ойида БААда ўтказиладиган Осиё чемпионатига тайёрланмоқда. Агар у бу турнирда ғалаба қозонса, шу йилнинг сентябрида Озарбойжонда ўтказиладиган Жаҳон Кубогида иштирок этиш учун йўлланма олади. У бу турнирда қатнашиб, чемпион бўлиш истагини билдирган.

"Дунёда шахматчилар клубини ташкил этиш анъанаси мавжуд. Яқинда шундай клуб Тошкентда ташкил қилинганди. Самарқандда ҳам шундай клуб бўлишини истайман. Бу шахматчиларнинг тажрибасини оширишга ва халқаро ўйинларда ютуқларга эришишга замин бўлади", дейди Жаҳонгир Воҳидов.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30145 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42374 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158870 Жамият
Кун.uz офис изламоқда
15:48 / 06.08.2017 45035 Lifestyle
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 875 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 465 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2066 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 188 Спорт
Эрдўған Ғарбнинг Яқин Шарқдаги сиёсатини танқид остига олди
00:02 907 Жаҳон
Кўпроқ янгиликлар