Жорий йилнинг 22 июль куни "Shodlik Palace" меҳмонхонасининг анжуманлар залида Ўзбекистон мустақил босма ОАВ ва ахборот агентликларини қўллаб-қувватлаш ва ривожлантириш жамоат фонди томонидан республика босма ОАВ да фаолият юритиб келаётган журналистлар учун мамлакатимизда кичик бизнес ва хусусий тадбиркорлик соҳасида амалга оширилаётган ислоҳотлар, тизимнинг мамлакат иқтисодий тараққиётидаги ўрнига қаратилган мавзуда ўқув-семинар ташкил этилди.

Тадбирда Ўзбекистон Савдо-саноат палатасининг "Замонавий мини-технологиялар ва хорижий инвестицияларни жалб этиш бўлими" масъул ходими Усмонов Ғофуржон Шавкатович "Кичик бизнес ва хусусий тадбиркорлик соҳаларига хорижий инвестицияларни жалб этишга доир ислоҳотлар самаралари" мавзусида тақдимот билан иштирок этди.

Ушбу семинарни ўтказишдан мақсад соҳага оид янгиликлар, маълумотлар билан ОАВ вакилларини батафсил хабардор қилиш ҳамда босма нашрларда соҳага оид маълумотларни ёритишда эътибор қаратилиши лозим бўлган жиҳатлар хусусида соҳа мутахассислари томонидан зарур тавсиялар берилди.

Мазкур семинар-тренингда журналистлар соҳада фаолият юритиб келаётган мутахассисларнинг мавзуга оид маърузаларини тинглаб, ўзларини қизиқтирган саволлар бўйича керакли маълумотга эга бўлдилар.