Хитой марказидаги Хунань, шарқий Хитойдаги Фуцзянь ва жанубий Хитойдаги Гуандун вилоятларида кучли ёмғир натижасида келиб чиққан сув тошқинлари оқибатида 4 киши ҳалок бўлди ва 5 киши бедарак йўқолди. Хитой марказий телевидениеси маълумотига кўра, 23 июль куни ушбу ҳудудлардан 151 минг 400 киши эвакуация қилинган.

Ҳодиса оқибатида жабрланганларнинг умумий сони 917 минг 200 кишини ташкил этмоқда.
Сув тошқинлари 3200дан ортиқ уйларни вайрон қилган ва қишлоқ хўжалигида фойдаланиладиган 19,8 гектар майдонга зарар етказган.

Маҳаллий ҳукумат аҳолини ер кўчишлари эҳтимолидан огоҳлантирган. Ҳудудларда дарёлар ва сув омборларида сув йўлига тўсиқлар ўрнатилмоқда.