2015 йилнинг 22 июль куни “Ўзавтойўл” ДАК мажлислар залида компания бошқарувининг 2015 йил биринчи ярим йиллик якунлари бўйича кенгайтирилган йиғилиши бўлиб ўтди. Йиғилишда компания тизимидаги ҳудудий бўлинмалар, соҳавий корхона ва ташкилотлар раҳбарлари иштирок этди. Йиғилишни компания бошқарув раиси А.Абдувалиев олиб борди.

Йиғилишда таъкидланганишича, 2015 йилнинг биринчи ярим йиллиги давомида умумий фойдаланувдаги автомобил йўлларида тизим корхоналари томонидан жами 672,2 млрд. сўмлик йўл қурилиш, таъмирлаш ва сақлаш ишлари бажарилган бўлиб, бу ўтган 2014 йилнинг шу даврига нисбатан 121,7 фоизни ташкил этади.

Инвестиция дастурига мувофиқ 2015 йилда141,6 кмузунликдаги умумий фойдаланувда бўлган автомобил йўлларини қуриш ва реконструкция қилиш ишлари белгиланган. Тузилган шартнома ва тасдиқланган режага мувофиқ илк ярим йиллик якунлари бўйича 218,3 млрд. сўмлик йўл ишлари бажарилиб,45,5 кмузунликдаги автомобил йўллари реконструкция қилинди.

Халқаро, давлат ва маҳаллий аҳамиятдаги умумий фойдаланишдаги автомобил йўлларида ҳамда шаҳар кўчаларида “Ўзавтойўл” компанияси корхона ва ташкилотлари томонидан йўлларни мукаммал таъмирлашда 81,4 млрд. сўмлик ишлар амалга оширилиб,24,3 кмузунликдаги умумий фойдаланувдаги автомобил йўллари таъмирланди.

42654 кмузунликдаги умумий фойдаланишдаги автомобил йўлларини сақлаш ва жорий таъмирлаш ишлари бўйича 2015 йилнинг биринчи ярим йиллигида 337,7 млрд. сўмлик маблағлар ўзлаштирилди.

Ҳисобот даври мобайнида тизим корхона ва ташкилотларида 180 нафар янги иш ўринлари яратилди.