Россиянинг “Газпром” компанияси Стокгольм арбитраж судига Туркманистоннинг газ қазиб олувчи ва газ тақсимловчи “Туркмангаз” компанияси устидан даъво аризаси берди. Бу ҳақда Forbes нашри “Газпром”даги манбаларга иқтибос келтирган ҳолда ёзмоқда.

Аниқланишича, даъво аризаси 8 июнь куни топширилган. Россия компанияси шартнома бўйича нархларнинг қайта кўриб чиқилишини талаб қилмоқда.

Аввалроқ 8 июлда Туркманистон Россия компанияси 2015 йилнинг бошидан бери газ учун ҳақ тўламаётганини таъкидлаб, “Газпром”ни тўловларни тўлай олмасликда айблаган эди.