Японияда сентябрда китобсеварлар учун хостел (хонасида қўшимча қулайликлар бўлмаган арзон меҳмонхона) очилади, деб хабар бермоқда The Daily Mail нашри. Янги меҳмонхона Токионинг Тосима туманида очилади. У Book and Bed (“Китоб ва ётоқ”) номини олди.

Мижозларга кечани кутубхона ёки китоб дўконини эслатиб юборувчи умумий хонада ўтказиш таклиф этилади. Холи қолишни истовчилар учун бу хостел унча тўғри келмайди, чунки ётоқлар китоб жавонларидаги токчаларга жойлаштирилган. Нашрнинг таъкидлашича, ушбу хостелни “китоб шинавандасининг орзуси” деб аташ мумкин.

Меҳмонхонада кундузи ҳам тўхташ мумкин. Меҳмонхона нархи маълум қилинмаган.

Янги хостел асосан хорижий сайёҳлар учун мўлжалланган.

Аввалроқ Японияда роботлар хизмат кўрсатувчи, Годзиллага бағишланган меҳмонхоналар очилгани маълум қилинганди.