“Тошкент оқшоми” газетасида “Зийрак бобо шаҳар кезади” рукни остида чоп этилган мақолада Тошкентнинг айрим ҳудудларида айрим фуқаролар коммунал хизматлар тўловларини ўз вақтида тўламай юришгани танқид остига олинди.
“Жорий йилнинг июнь ҳолатига кўра катта ҳажмдаги қарздорлиги мавжуд истеъмолчиларнинг борлиги маълум бўлди. Ҳатто айримларнинг қарзи 1 млн дан тортиб 7 млн сўмгача бораркан”, – дейилади материалда.
Айниқса ҳовли жойлардаги маҳалларда қарздорларнинг кўплиги айтилмоқда. Мирзо Улуғбек туманидаги Узумзор, Дархон, Салар, Олтинтепа, Яшнобод туманидаги Гулистон, Гўзал, Машҳадий, Юнусобод туманидаги Гулистон, Фирдавсий, Ғайратий, Олмазор туманидаги Аҳил, Мойариқ, Бешқўрғон, Ачаобод, Шайхонтоҳур туманидаги Ипакчи, Лабзак маҳаллаларидаги истеъмолчиларнинг каттагина қарзлари борлиги аниқланди.