Тошкентлик киракаш, 1991 йили туғилган Тоир Мансуров маст йўловчига машинасини ҳайдашга бериб, сўнг уни машинани олиб қочишда айблади. Бу ҳақда “Огоҳ” нашри ёзмоқда.
Айтилишича, бир куни кечки пайт унинг Matiz русумли машинасига Санжар Муродов дўсти Жавлон билан ўтирган. Санжарнинг кайфи баландлиги боис у ярим йўлда машинани тўхтатишни сўраб, тоза ҳавога чиққан.
Ўзига келгач, у Мансуровдан машинасини ҳайдашга бериб туришни сўради, бунда озгина ҳайдаб, тез қайтиб келишини айтди. Бунинг эвазига у Мансуровга 100 минг сўм берди. Шунда киракаш ҳам рози бўлди.
Йўлда кетаётиб, маст ҳайдовчи йўл иккига айрилган жойдаги бетон устига чиқиб кетди. Қўрқиб кетган Муродов машинани ташлаб қочиб кетди.
Анча вақт машинанинг қайтишини кутиб, сабри тугаган Мансуров хавотирга тушиб, милицияга мурожаат қилди ва Муродовни машинани ўғирлаб кетишда айбланди. Тезкор текширув натижасида машина йўл ёқасида,
бетон тўсиқ устига чиқиб кетган ҳолатда топилди.
Аммо иш юзасидан киракашнинг ўзи жазоланди. У ёлғон ариза беришда, бировни ўғриликда айблашда ва маст одамга пул эвазига ўз машинасини беришда айбланди.