"Арсенал" ярим ҳимоячиси Аарон Рэмси "Барселона"га ўтиши мумкинлиги ҳақидаги хабарларга изоҳ берди.

"Албатта бундай хабарлар жуда ёқимли бўлади. "Барселона" ўтган мавсумда жуда катта ғалабаларга эришди ва менинг номимни бу жамоа билан боғлаётганларидан фақат хурсанд бўламан.

Албатта мен Испания чемпиионатида ўзимни синаб кўришни ва маҳаллий футбол билан танишишни истайман. Аммо айни вақтда "Арсенал" шарафини ҳимоя қилмоқдаман ва бу жамоа билан муваффақиятга эриша олишимни сезиб турибман", - дейди футболчи.

Маълумот учун, ушбу уэльслик 24 ёшли футболчи ўтган мавсумда АПЛнинг 29 ўйинида "Арсенал" либосида майдонга тушган ҳамда 6та гол уриб, 6та голли узатмани амалга оширган.