Тиббий суғурталашга ихтисолашган Anthem компанияси ўзининг АҚШ суғурта бозоридаги энг асоси рақибларидан бири Cigna компаниясини 54,2 млрд долларга сотиб олмоқда, деб хабар бермоқда Reuters ахборот агентлиги.

Компанияларнинг бирлашиши Anthem’ни АҚШ тиббий суғурталаш соҳасидаги энг йирик компанияга айлантиради.

Cigna акциядорлари битта акция учун 103,4 доллар нақл пул ва Anthem компаниясининг 0,5151 акциясини оладилар.

Агентликнинг таъкидлашича, иккита энг йирик тиббий суғурталовчиларнинг бирлашиши яна битта суғурталовчи Aetna Inc. компанияси бошқа бир суғурталаш компанияси – Humana’ни 37 млрд долларга сотиб олгандан кейин уч ҳафта ўтиб амалга оширилди. Тиббий суғурталашга ихтисослашган суғурталаш компанияларининг бирлашиши АҚШ президенти маъмурияти томонидан соғлиқни сақлаш тизимида амалга оширилаётган ислоҳотлар натижасида юз бермоқда.