Туркия ҳукумати АҚШ ва халқаро коалиция Ҳарбий-ҳаво кучларига тегишли самолётларнинг "ИШИД"га ҳаво зарбалари уюштиришда ўз авиабазаларидан фойдаланиши учун рухсат берди. Бу ҳақда Ассошейтед Пресс нашри хабар берган.

Туркия Ташқи ишлар вазирлигида маълум қилинишича, турк самолётлари ҳам коалициянинг ҳарбий ҳаракатларида иштирок этишни бошлайди.

Туркия президенти Ражаб Тойиб Эрдўған АҚШ президенти билан ўтказилган телефон мулоқоти чоғида Инжирлик ҳудудидаги авиабазалар "ИШИД"га қарши биргаликда курашиш учун фойдаланишини маълум қилган.

Айни вақтда Туркия ҳудудида аксилтеррор амалиёт доирасида "ИШИД" ва бошқа террорчи гуруҳларга алоқдорликда гумон қилинувчиларни ҳибсга олиш жараёни давом этмоқда.