Санкт-Петербурнинг G-Force футбол жамоаси “ботқоқ” футболи бўйича Аёллар лигасида ғолиб бўлди. Россиялик жамоа мусобақа финалида финляндиялик рақибларини пенальтилар сериясида мағлуб этди.

Эркак профессионаллар ўртасида Saint Petersburg Lakes жамоаси жаҳон чемпиони бўлди. Мусобақа Финляндиянинг Хюрюнсалми шаҳри яқинида ўтказилди. Улкан майдонда турли мураккабликдаги 22 та ботқоқсимон ўйин майдонлари жойлаштирилди. Дунёнинг турли давлатларидан 300 та жамоа олтита лигада куч синашди: микс-лига, ҳаваскорлар (аёллар), профессионаллар (аёллар), ҳаваскорлар (эркаклар), бизнес-лига ва профессионаллар (эркаклар). Айнан эркак профессионаллар лигасидаги ўйинлар жуда шиддатли ва юқори даражада ўтди.

Бу антиқа спорт тури бўйича расмий мусобақалар 1998 йилдан бери Финляндияда ўтказилиб келинади.