Хоразм вилоятида жорий йилнинг дастлабки 6 ойи давомида бошқа қўшимча лойиҳалар билан бир қаторда умумий қиймати 271 млн долларни ташкил қилувчи 274 та лойиҳа амалга оширилди. Бу дастур доирасида айни пайтда 36 мингдан кўпроқ “Дамас”, 3 мингга яқин “Орландо” автомобиллари, 119 та экскаватор ва 54 та бульдозер ишлаб чиқарилган. Шунингдек, маиший газ баллонлари, музлатгичлар, металл арматура, спорт жиҳозлари, кир ювиш кукуни, катта қувватга эга аппаратлар ишлаб чиқариш жарёни ўзлаштирилди

Ҳисобот даври давомида вилоятдаги ялпи ҳудудий маҳсулот ўсиши 11,1 фоизни ташкил этди, саноат маҳсулотлари ишлаб чиқариш ҳажми 30,8 фоизга, қишлоқ хўжалиги ўсимликлари етиштириш 6,2 фоизга, қурилиш-монтаж ишлари 3,9 фоизга ошди.
Турли маҳсулотларни ишлаб чиқаришни йўлга қўйиш ва хизматлар кўрсатиш соҳасини ривожлантириш натижасида истеъмол маҳсулотлари ишлаб чиқариш ҳажми 40,2 фоизга, маҳаллийлаштирилган маҳсулот – 2,5, чакана савдо айланмаси – 14,5, хизмат кўрсатиш ҳажми 12,4 фоизга ошди.
Хоразм вилоятини ижтимоий-иқтисодий ривожлантиришга қаратилган 767 та лойиҳа ўрнига 932 та лойиҳа амалга оширилди, 251 млрд сўм миқдорида сармоя киритилди ва 5 мингта янги иш ўринлари яратилди.
Вилоятда туризм соҳасида 45,3 млн долларлик 99 та лойиҳа амалга оширилди. Вилоятдаги корхоналар томонидан 19 млн долларлик маҳсулот экспорт қилинди.