Москванинг "Динамо" жамоаси сафини эркин агент сифатида тарк этган германиялик ҳужумчи Кевин Куран`и "Хоффенхайм" сафига бориб қўшилди. Бу ҳақда немислар жамоаси расмий сайтида хабар берилган.

Ушбу келишув бир мавсум учун тузилган.

Маълумот учун, ушбу 33 ёшли футболчи охирги 2 мавсум давомида Москвада фаолият кўрсатди ва "Динамо" сафида 29 ўйинда майдонга тушиб, 18 гол урди ҳамда 5та голли узатма амалга оширди. У жамоада юзага келган молиявий муаммолар туфайли шартномасини узайтирмаган.