“ИШИД” террорчилик ташкилоти жангарилари Ироқ ҳукумат кучлари катта миқёсдаги аксилтеррорчилик операциясини ўтказаётган Ироқнинг Рамади ва Ал-Фалужа шаҳарларидан ўзларига одат қилиб олган усуллардан бирида, яъни аёллар либосида оммавий равишда қочмоқда.

Ироқ армияси махсус кучлари жангарилар эгаллаб олган Рамади университетини қайтариб олганларидан кейин жангарилар Хут шаҳрига қараб қочишни бошлаган. Айнан университет ҳудуди террорчилар томонидан “ИШИД”нинг Анбар вилоятидаги штаби ва Ироқ қўшинларига қарши терактларни тайёрлаш учун асосий база сифатида фойдаланилган.

Исломда эркаклар аёллар либосини кийиши гуноҳ ҳисобланишига қарамасдан, жангарилар аёллар либосида қочишни ўзларига одат қилиб олганлар .

Куни-кеча Сурия армияси ва халқ қўзғолончилари жангчиларининг оммавий равишдаги ҳужумларидан кейин “ИШИД” жангарилари Пальмира атрофидаги ҳудудлардан оммавий равишда қочаётганлари маълум қилинганди.