Буюк Британиялик велопойгачи Кристофер Фрум 2015 йилги "Тур де Франс" ғолибига айланди. Франция йўллари бўйлаб ўтказилган “Тур де Франс” кўпкунлик велопойгасининг 21-босқичи ортда қолди ва турнир якунланди.

Сўнгги 21-босқич мусобақасида германиялик пойгачи Андрэ Грайпель маррага биринчи бўлиб етиб келди. Севр шаҳридан Парижнинг Елисей майдонигача бўлган 109,5 км масофани ғолиб спортчи 2 соату 49 дақиқа 41 сонияда босиб ўтди.

Умумий 21та босқич якунларига кўра эса британиялик Кристофер Фрум ғолибликни қўлга киритди. Бу билан Фрум иккинчи маротаба "Тур де Франс"да ғолиблик шохсупасига кўтарилди. Найро Кинтана иккинчи ўринни эгаллаган бўлса, Алехандро Вальверде кучли учликка якун ясади.

«Тур де Франс». 21-босқич
Севр — Елисей майдони, Париж. 109,5 км
1. Андрэ Грайпель (Германия, Lotto-Soudal).
2. Бриан Кокар (Франция, Europcar).
3. Александр Кристофф (Норвегия, «Катюша»).

Умумий ҳисобда
1. Кристофер Фрум (Буюк Британия, Sky).
2. Найро Кинтана (Колумбия, Movistar).
3. Алехандро Вальверде (Испания, Movistar).