Лионель Месси томонидан икки ҳафта аввал Габондаги стадионга қўйган рамзий маънодаги илк ғиштини ўғирлаб кетишди.

Аргентиналик юлдуз Габон давлати президенти Али ибн Бонго Ондимбининг таклифига биноан ушбу мамлакатга ташриф буюрган ва Порт-Жантиле шаҳридаги стадионга илк ғиштни қўйганди.

Айни пайтда полиция ходимлари Мессининг қўли теккан “қимматбаҳо ғишт”ни тунаб кетган ўғриларни топиш учун кенг кўламдаги ҳаракатларни олиб боришмоқда.

Мессининг ташрифи габонликлар томонидан турлича қабул қилинган эди. Айримлар бу ташрифни тарихий воқеа сифатида қайд этишган, баъзилар эса кўча кийимида келган Мессидан ранжиганди.

Шунингдек, аввалига унинг ташрифи учун 3,5 млн евро олгани хабар қилинган, 1 кун ўтиб, бу хабар Габон президенти томонидан рад этилганди.