"Манчестер Юнайтед” клуби раҳбарияти “Сампдория” жамоасининг собиқ дарвозабони Серхио Ромеронинг трансферини расман тасдиқлади. Англия клуби Аргентина терма жамоасининг 28 ёшли посбони билан 3 йиллик шартнома имзолади. Бу ҳақда жамоанинг расмий твиттер аккаунтида хабар берилди.

Келишувга кўра шартнома яна бир йилга узайтирилиши мумкин. Ромеро эркин агент мақомида “қизил иблислар” сафига келиб қўшилди. Ўтган мавсумда Ромеро “Сампдория” таркибида 11та учрашувда майдонга тушиб, ўз дарвозасидан 14та гол олиб чиққанди.