Ўзбекистон Республикаси Марказий банки 2015 йил 28 июлдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун жорий этиш мақсадида хорижий валюталарнинг сўмга нисбатан янги қийматларини белгилади.

Унга кўра, 1 АҚШ доллари бир ҳафта олдинги курсга нисбатан 4 сўм 96 тийинга қимматлашиб, 2 минг 575 сўм 18 тийинни ташкил этди. Евро янги курсга кўра, 10 сўм 40 тийинга арзонлашиб, қиймати 2 минг 810 сўм 56 тийинга тенг бўлиб турибди.

Жорий ҳафта Россия рубли сўмга нисбатан арзонлашди. 1 Россия рубли янги курсга кўра, 85 тийинга арзонлашиб, 44 сўм 37 тийинга тенг бўлиб турибди. Бир ҳафта аввал 1 рубль миқдори 45 сўм 22 тийинни ташкил қилаётган эди.

Маълумот ўрнида таъкидлаш жоиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.