Франция президенти Франсуа Олланд Россияга етказиб берилиши керак бўлган иккита “Мистраль” вертолётташувчи кемаси бўйича яуний қарорни яқин ҳафталарда қабул қилишга ваъда берди. Бу ҳақда Олланд 27 июлда ОАВлар вакиллари билан учрашуви чоғида маълум қилди.

Олланд кемаларни бериш ёки бермасликни батамом ҳал қилишини таъкидлаб ўтди.
Маълумот учун, “Мистраль” кемаларининг Россияга етказиб берилиши бўйича шартнома Франциянинг DCNS/STX кемасозлик компанияси ва “Рособоронэкспорт” билан 2011 йилда тузилган эди. Франция бу кемалардан биринчиси – “Владивосток”ни 2014 йилнинг ноябрида етказиб бериши керак эди, бироқ бу ҳанузгача амалга оширилмади. Москва Париждан кемаларнинг берилишини ёки пулларнинг орқага қайтарилишини талаб қилмоқда.