Россия истеъмол моллари назорати қўмитаси (Роспотребназдор) 1 августдан мамлакат ҳудудига Латвиянинг 5та корхонасида ишлаб чиқарилган балиқ консерваларини олиб киришни тақиқлади.

Идора тарқатган матбуот хабарномасида айтилишича, бунга ушбу корхоналар маҳсулотларининг Россия қонунчилигига мос эмаслиги сабаб бўлган.

“Вентспил балиқ консерваси комбинати” АЖ, “ГАММА-А” МЧЖ, Sabiedrba IMS МЧЖ, “УНДА” МЧЖ ва Suldusgalaskombinats МЧЖ маҳсулотларига тақиқ қўйилди. Уларда сифат белгиси қўйилиши талабларининг бузилиши, асосий маҳсулот улушидаги номувофиқлик сингари қоида бузилиш ҳоллари кузатилган.

Талабларга жавоб бермайдиган, аммо мамлакатга олиб кириб бўлинган маҳсулотлар партиялари сотувдан чиқарилган.