Техас штатининг Даллас шаҳридаги жониворлар учун махсус клиникада Озғин (Skinny) лақабли мушук машғулотлар ўташ ва диета орқали 10 кг вазн ташлашга эришди. Бу ҳақда The Huffington Post нашри хабар берган.

Маълум қилинишича, 2013 йилда у клиникига келтирилганида 18,6 кг вазнга эга бўлган.

Тиббиёт ходимларининг саъй-ҳаракатлари туфайли Скинни айни вақтда вазнини енгиллаштириш билан биргаликда чиройли кўринишга келган.

Heal клиникаси шифокори Бритни Бартоннинг маълум қилишича, олиб борилган муолажалар унинг соғлигига ёмон томондан таъсир қилмаган.

У аввалгидан анча кичиклашиб қолган бўлсада, одатий мушуклардан каттароқ ва у аввалгидек шифохона бўйлаб эркин сайр қилиб юрибди.