Тошкент механика заводида (собиқ авиасозлик заводи) янги қувватлар ишга туширилиб, уларда компьютер техникаси ва кир ювиш машиналари ишлаб чиқарилади.

Ушбу соҳага заводни ўз таркибига олувчи Ўзбекистон темир йўллари АЖ яқин уч йил ичида 380 млн доллар йўналтиради. Лойиҳаларнинг умумий миқдори 16тани ташкил қилади.
Бу ҳақда Uzbekistan Today нашри “Ўзбекистон темир йўллари” бошқаруви раисининг биринчи ўринбосари Даврон Деҳқоновга таянган ҳолда маълумот бермоқда.

Заводда офис техникаси, кир ювиш машиналари, кичик қувватли электр двигателлари ва маиший техника ишлаб чиқарилиши йўлга қўйилади. Айни кунда заводда 2 минг киши ишлаб келмоқда.