Япониянинг энг йирик автоконцерни Toyota ўтган пайшанба, 23 июль куни январ-июнь ойларида 5,02 млн та автомобиль сотганини эълон қилди. Бу ўтган йилги кўрсаткичдан 1,5 фоиз камроқни ташкил қилди. Бу орада Volkswagen компанияси 5,4 млн та автомобиль сотган. Олти ой натижасига кўра савдоларга ривожланаётган бозорлардаги секинлашиш ва Японияда мини-карларга солиқнинг ошганлиги таъсир қилган.

Германиянинг Volkswagen концерни Мартин Винтеркорн бошчилигидаги 8 йил ичида янги брендлар ва заводлар ҳам Хитойдаги кучли ўсиш ҳисобига ўз фаолияти миқёсларини кенгайтирди.

VWга кирувчи гуруҳ, шу жумладан Audi ва Porsche премиал маркалари автомобилларининг сотилиши шу давр мобайнида 2 мартадан кўпроққа ошди ва ўтган йили 10 млн донадан ошиб кетди. Шу билан бирга даромад 3 маротаба, яъни 12,7 млрд еврогача ошиб кетди.

“VW асосий автобозорлар пасайишни бошидан ўтказаётган ҳозирги мураккаб пайтда сотилган автомобиллар миқдори бўйича етакчиликни қўлга киритди. Компания агар юқори поғонани сақлаб қолишни истаса, Хитойдаги пасайиш шароитида бардош беришига тўғри келади”, деб айтмоқда Center of Automotive Management таҳлилий маркази раҳбари Штефан Братцель.