"Формула-1" автопойгачиси Женсон Баттон ("Макларен" жамоаси) автомобиллар ҳақидаги "Top Gear" теледастурида бошловчилик қилиши мумкин.

"Би-би-си" телеканали таркибидаги бу кўрсатувнинг собиқ муаллифи Жереми Кларксон ишдан кетганидан кейин унинг ўрнига муносиб номзод ҳали топилмаяпти.

Манбанинг ёзишича, ўз фаолиятини якунлаётган Женсон Баттоннинг кўрсатувда муаллифлик қилиши яқин вақт ичида эълон қилинади.

Қайд этиш керакки, телеканал раҳбарияти бу бўйича изоҳ бермаган.