Аралаш турдаги кураш билан шуғулланувчи россиялик спортчи Фёдор Емельяненко рингга қайтишидан сўнг биринчи жангни бразилиялик Фабрисиу Вердумга қарши ўтказиш нияти борлигини айтди. Бу ҳақда Allboxing.ru портали ёзмоқда.
Вердум Мутлақ жангчилар чемпионати (UFC) чемпионлик мақомига эга спортчи ҳисобланади. У билан жанг қилиш учун Емельяненко ушбу ташкилот билан шартнома имзолашига тўғри келади. Улар 2010 йили рингга чиққанди, ўшанда бразилиялик спортчи россиялик рақибини биринчи раундда мағлубиятга учратган эди.
Шунингдек, Емельяненко яна 1-2 йил давомида профессионал даражада жанг қилишда давом этишини маълум қилди.