Британиялик актриса Кейт Уинслет “Беар Гриллс билан ёввойи шароитларда” реалити-шоусида иштирок этди, деб хабар бермоқда The Daily Mail нашри.

39 ёшли актриса ва машҳур телебошловчи Беар Гриллс Уэльснинг Сноудония тоғларида икки сутка ўтказдилар.

Кейт ва Беар парашютдан сакраб, тоққа кўтарилганларидан кейин у ерда аёллар гигиеник воситаси ёрдамида аланга ёқиб, оловда тайёрланган қуртлардан тамадди қилишди.

“Уларнинг мазаси жуда аччиқ экан. Мен уларни чайнаётганимда худди ёниб кетган резина электр симни еяётгандек бўлдим”, деб бўлишмоқда ўз таассуротлари билан актриса. Кейинроқ телебошловчи дарёда балиқ тутиб, уни кечки овқатга олиб қўйди.

Гриллс Кейт билан вақт ўтказиш унга қизиқарли бўлганини, Кейт “қаттиққўл, қувноқ ва шу билан бирга жуда камтар” актриса эканини таъкидлаб ўтди.